Monthly Archives: September 2014

Stream aRtropocode – Musac #RRSSmuseos

Adtlántida.tv presenta :
Stream audiovisual colaborativo entre Artropocode Summerlab e Redes IV MUSAC
Sábado 20 Setembro 2014 19H -> 19h30

Adtlántida.tv, o servizo galego de streaming con software libre, transmitirá a conexión do encontro Artropocode Summerlab en Normal, A Coruña, e o IV Encontro sobre Redes Sociais en museos, centros de arte e produción no MUSAC, León. A conexión terá lugar entre as 19h00 e as 19h30 e pode ser visualizado nesta ligazón

 

O Summerlab Artropocode en Normal, A Coruña, é un encontro aberto de persoas creadoras, investigadoras e artivistas que se xuntan nun clima de cooperación e intercambio aberto para compartir coñecementos(educación expandida) e desenvolver proxectos  transdisciplinarios (prototipado e produción) utilizando tecnoloxías e licenzas libres. Artropocode 2014 é unha mestura de persoas e colectivos de toda a Peninsula e outros paises, xuntos con persoas e colectivos galegas, traballando en rede e empoderando o contexto local. Presentación pública o sábado 20 setembro ás 19h30 en Normal.

O IV Encontro sobre Redes Sociais en museos, centros de arte e produción : Intermedia_Redes_Ecosistemas, organizado no MUSAC, León, por Jaime dos Rios e Araceli Corbo, convoca a comunidade artística dixital, performativa e a diferentes pensadoras que no SXXI, na xa denominada era post-Internet, reflexionarán sobre a actualidade e a definición do concepto de Rede, ensinarannos a súa maneira de concibir e traballar con ela/s e os efectos estéticos e sociais que invaden a capa real desde o virtual ou dixital.

seguir todo o programa do IV Encontro desde as 10h00 até as 21h00 e o domingo pola mañá

Tagged , ,

Xa é venres! hoxe no aRtropocode…

aRtropocode2014

Hoxe na asemblea da mañá presentáronse Urko e Majo de Post-Op, que investigan sobre a sexualidade, pornografía e a representación: Pornotopedia é un proxecto no que  deseñar xoguetes sexuais inclusivos, para grupos con outras movilidades e diversidade funcional.

Jorge Barco de Medillín(MAMM), artista e productor cultural, traballa no entornal noise e construcción de aparato  e o Noise como un concepto para albergar o indefinido na contemporaneidad. Chega ao aRtropocode para ver como funcionan os encontros en espazos culturais nos que se traballa en redes. Estará no encontro do MUSAC coa palestra “Museos movimientos y redes” e unha performance xunto Pedro Soler títulada “son ruptura”.

Carlos traballa con son, electrónica analóxica na creación física de obxectos sonoros para o seu como ferramentas de exploración. Oído pel e carne están conectados evolutivamente, podemos escoitar co corpo non só coas orellas, sobre todo a baixa frecuencia.

Propón un obradoiro de soldadura e construcción dun secuenciador de pulso,hoxe ás 18, no obradoiro pódese adquirir o kit (25€).

Tonecho de artopokids, especialista en educación, está interesado en todo lo que se pueda aplicar en un contexto educativo, su interese no encontro e ver un pouco as posibilidades de prototipado e de creción tecnóloxica que ofrece cada un dos proxectos que se están desenvolvendo.

Carolina está en residencia artítica en NORMAL no segundo andar,  cunha obra escénica ritual inspirada na sabiduría dos indios norteamérica e remata sendo unha búsqueda persoal do sagrado. Está coa idea de colaborar con Alvaro e Carlos, buscando a relación tecnoloxía e corpo.

 

Tagged , ,

Segunda xornada. Seguimos explorando.

O equipo de EXando una mano crece, chega Alberto (cerojugadores.com) que se presenta como o mediador da estructura do proxecto, creando unha interfaz telemática apta para compartir información e poñendo en contacto todas as partes implicadas no proxecto (familia, institución e grupos de traballo).
Fran ven a complemente el proceso, desenvolvemento de deseño e visión 3D, están abertos a axuda en electrónica.

Xavi Daax chega con Dance-j un traballo en torno á detección de movemento do corpo,un proxecto en desenvolvemento para explorar as posiblidades de integración con outros nodos, o uso de webcam e kinet para capturar a xestualidade dos corpos, é benvida a axuda téncica e xente que quera bailar e probar un pouco.

Fran de Lata muda, non traen cacharros pero si moitas ideas, a ide é dar a coñecer o Lab Rural, explicar un pouco que procesos se están a facer en ámbito estatal, ver o que se está a artellar no summer e aplicalo ao LabRural
Arte en rede é un proxecto para traballar entre todas as e favorecer unha mellor comunicación entre o summer e as persoas interesadas.

Pedro Soler, ven de Medellín, traballa en taller público de experimientación, buscando fórmulas innovadoras que expermienten con hardware, como sofware como bío.
Por outra banda ven a preparar a performance para o enlace este sábado co MUSAC(de león) que estarán celebrando o encontro de redes.

BxzyyMBCUAAwEEf

U un grupo fixo esta mañá unha saída para recoñecemento e recollida de prantas medicinais e comestibles, chegando ata o monte de San Pedro.

E agora ás 18h temos previsto un interesante debate sobre a problemática coas patentes e a autonomía no deseño e fabicación de próteses.

Máis tarde ás presentacións de xeoPesca e Abioxénese: un proxecto de instalación interactiva

Tagged ,

Asemblea inaugural: comezamos

artropocode

Comezamos a xornada coa recepción das persoas que chegaron onte e hoxe pola mañá. Na primeira asemblea abre Beka a rolda de presentacións explicando a orixe do Summer of Labs e a historia do aRtropocode. Segue Marta quen leva a parte administrativa e Iria que se ocupará de loxística e ademáis comenta que este ano será ela a que leve as sesións de Ioga. Xosé e Hector serán os responsábeis de documentar en vídeo todo o que aconteza no encontro.

As presentacións continuaron con Bricolabs un espazo autónomo aloxado en Domus onde se investiga ao redor das impresoras 3D. A proposta de Bricolabs (Xoán, Gino e Tucho) é desenovolver unha impresora portátil, aínda que esta idea pode variar en función do que atopen aquí.

Seguimos con máis traballos de impresión 3D da man de David de La Residencia CC de Sevilla que con exando una mano”investigan sobre as posibilidades de autoconstrucción no ámbito das próteses que xurdiu pola necesidade concreta dunha rapaza que naceu sen dedos da man. Mila apuntou a necesidade de falar sobre a cuestión das patentes e da construción usando tecnoloxías libres das próteses, e propón facer un debate sobre o tema.

Continúa Paula Pin de Pechblenda do nodo BiotransLab que traía a proposta de investigar a aplicación de TiO2(dióxido de titánio) para a limpeza de augas. Porén que despois de escoitar as aportacións dos nodos pensa derivar a actividade do nodo para o desenvolvemento dunha man robótica para sentir (organo táctil biónico). Neste nodo tamén está Marc que aporta o seu coñecemento en open source, bio arte, prototipado e media-ecology.

Álvaro ven a presentar KINEO e a explorar dispositivos de control audiovisual con hardaware onde diferentes persoas en movemento podan interactuar a través destes dispositivos. Un dos obxectivos e a actualización da programación usando software libre.

Dron-fu é o experimento de Lot que pretende buscar a interrelación do control remoto de drones por medio do teléfono e interrelacionalo co movemento das artes marciais (kun-fu).

Cristina con Microprojects analizan pequenos proxectos de diferentes ámbitos e ver a interrelación que poden xurdir, os seus intereses van en torno á ortopedia, botánica, cidade, mobilidade e paisaxe urbano. Están investigando as posibilidades de personalizar o calzado a partir do uso. Finalmente farán presentación para explicar todos os proxectos nos que están traballando e que teñen feitos.
Clara e Nuria traballan co corpo, con Omnio xunto a Macarena explorarán as posibilidades das artes escénicas e música experimental. A integración do corpo, os sons e a escenografía con artefactos e tecnoloxías. Propón facer un obradoiro sobre o corpo.

Aniara que ve co nodo Básica Transmutación fala de recuperar a raíz da cosmética (do grego cosmos) a través da recolleita de prantas aromáticas, e empregar as metodoloxías tradicionais de creación de aceites esenciais. Maite de Zocamiñoca estará participando tamén neste nodo para aportar o coñecemento das propiedades emocionais e de saúde que temos na natureza. Moi interesada na parte alquímica do nodo.
Pedro Angelo acaba de chegar de Porto, ven de Audiência Zero e ven a compartir o seu coñecemento en programación creativa nos procesos creativos e instalacións audiovisuais para todos aqueles nodos que o precisen.

Rematada a asemblea chega o equipo de Leiralonga, agricultura ecolóxica: unha iniciativa de soberanía alimentaria coa súa horta propia e unha comida para lamber os dedos. Esta tarde teremos presentacións que se poderán consultar na portada da wiki.

Tagged ,

aRtropocode summerlab 2014: conta atrás

O mércores da próxima semana, 17 de setembro ás 11 horas comezará o aRtropocode summerlab 2014 #SOLGA na Normal, espazo de intervención cultural da Universidade da Coruña. 

Simbioses creativas entre corpo(s), tecnoloxía(s) e ecoloxía(s) é o título deste summerlab, un encontro aberto en que persoas creadoras, investigadoras e activistas se xuntan nun clima de cooperación e troco aberto, para compartir coñecementos (educación expandida) e desenvolver proxectos transdisciplinares (prototipado e produción) utilizando tecnoloxías e licenzas libres. No aRtropocode 2014 contaremos cunha mestura de persoas e colectivos chegados de toda a Península e puntos internacionais, xunto a persoas e colectivos galegos, traballando en rede e potenciando o contexto local. O evento está integrado tamén no circuíto SummerofLabs, que comezou en xullo en Nantes e que concluirá en outubro en Casablanca.

A nivel de contidos en desenvolvemento, poderedes atopar investigacións en liñas experimentais, como a impresión dixital 3D orientada a próteses corporais, hardware libre orientado a un modelo aberto de ciencia, a revolución tecnolóxica da filosofía da diversidade funcional, ou propostas performativas que integran drons (vehículos aéreos non-tripulados) e sonifican o movemento dos corpos no espazo, por poñer algúns exemplos. Nas ligazóns que incorporamos poderedes atopar máis información, alén do contacto para poder consultar dúbidas ou realizar as vosas achegas.

Nodos e presentacións/conexións telepresencia (streamings). Aberto a propostas até e durante o evento.

A asemblea é o espazo aberto onde se irán presentando as persoas que cheguen novas cada día. Tamén é onde decidiremos o programa completo do día, incluíndo presentacións ou workshops procedentes das mesas de traballo, ou de persoas que acaban de chegar.

PROGRAMA 17 SETEMBRO

11:00- Distribución do espazo para as mesas de traballo

12:00- Asemblea inicial

14:15- Comida

16:00- Desenvolvemento das mesas de traballo

22:00- Fin da sesión diúrna de traballo

18 SETEMBRO

11:00- Ioga

12:00- Asemblea

14:15- Comida

16:00- Desenvolvemento das mesas de traballo

22:00- Fin da sesión diúrna de traballo

19 SETEMBRO

11:00-Ioga

12:00-Asemblea

14:15-Comida

16:00-Desenvolvemento das mesas de traballo

22:00-Fin da sesión diúrna de traballo

20 SETEMBRO

11:00- Ioga

12:00- Asamblea

14:15- Comida

16:00- Desenvolvemento das mesas de traballo

19:00-Conexión en liña (streaming) coas xornadas do MUSAC (León)

19:30- Presentación das mesas de traballo.

22:00- Saída de NORMAL cara á festa de despedida.

21 SETEMBRO Recollida e feche.

aRtropocode 2013

Twitter

Mediateca e streaming

artropocode@gmail.com

Tagged ,