Este 24 de julho, víspera do Día da Pátria, vém a ser o primeiro dende a existência do Colectivo de Presos Independentistas Galegos como tal. Primeiro, agradecer a todas as Pessoas que se solidarizam com nós de diversas maneiras e formas, bem sexa cumha simple carta, ou acudindo a algumha das convocatorias que se fam no nosso favor. Para nós que nos atopamos lonxe da nossa pátria e dos nossos isto supom novos impulsos para continuar a resistir todas aquelas medidas que meiante a política penitenciária o Estado pom em pratica para procurar a nossa derrota. À sua vez, animar a todas e todos a continuar na visualizaçom da nossa situaçom e a denunciar as práticas da repressom española que inda que conhecidas, nom por isso som menos duras e palpáveis. Só agardar que se desenrole um 24 e 25 no que se comprobe a nossa existência como naçom, que sexam datas de reivindicaçom e luita, em fim, que o povo galego demostre o seu compromisso firme coa liberaçom nacional e a transformaçom social. Adiante entom, com forza e ánimo neste caminho.