Do Coletivo de Presos/as Independentistas Galegos/as informamos publicamente da reintegraçom do preso independentista Diego Santim à discilplina coletiva após o transcurso de mais de um ano da sua solicitude formal de incorporaçom.
Diego Santim atopa-se encarcerado na cadeia de Topas (Salamanca) desde outubro de 2015, cumprindo a condena imposta pola Audiência Nacional espanhola pola sua militáncia independentista, submetido ao regime carcerário de dispersom e restriçons específicas que o estado vem aplicando sistematicamente contra o nosso coletivo.
Nos dias seguintes ao seu ingresso em prisom cursou petiçom de incorporaçom à nossa disciplina orgánica, dando efectivo cumprimento à disposiçom manifestada publicamente por ele mesmo em datas prévias ao encarceramento, na que assimesmo fazia autocrítica, aderia e reconhecia a linha revolucionária que vem sustentando o CPIG, como agente político dos/as prisioneiros/as políticos/as independentistas.
O nosso coletivo avaliou estabelecer um período transitório no que este militante vem cumprindo com a dinámica de luita (protestos, reivindicaçons conjuntas perante a administraçom penitenciária, etc.) e acreditando estar comprometido com a luita galega; consequentemente consideramos que concorrem as circunstáncias necessárias para a sua reintegraçom à disciplina do CPIG.
Entendemos pertinente trasladar esta decisom ao conjunto do espaço social e político independentista para que surjam os oportunos efeitos.
Noutra ordem de cousas, queremos aproveitar esta oportunidade para fazermos um chamado a manter a tensom militante no conjunto da acçom política e anti-repressiva independentista, convencidos/as de que desde a unidade e a firmeza no compromisso adquirido com a nossa Pátria, seguiremos abrindo caminhos de liberdade frente à imposiçom espanhola.
Adiante a luita independentista!
Viva Galiza Ceive!
Denantes Mortos/as Que Escravos/as.
Fevereiro de 2017.
Coletivo de Presos/as Independentistas Galegos/as.
Leave a Reply